PEUË PEUNJAKÉT BANSA GEUTANJOE UROË NJOE ?
BansigomDonya I Almarhum Paduka nyang mulia Teungku Muhammad Hasan Tiro(Beuluwah kubu) Neumarid Njan padjah tapham beutôi-beutôi. meuhan han tatukri ban peu-ubat. uléh seubab njan, peuë njang geutanjoe meurunoe hinoe, peuë njang geutanjoe pubuët disinoe meunjo kheun gob – No-nonsense – bek djak peugah njang kon² , bek djak meukra keunoe, meuhai that tabajeuë bak tapegot buët njoe. hèk teuh that bak ta-useuha.
Pakon tatém njoe mandum ? kareuna tudjuan geutanjoe sutji lagoina. ureuëng lagèë lôn njoe hana lôn keumeuëng hudép, 1000 go leubèh got maté nibak djidjadjah lé djawa. njan kon saboh buët njang mustahé. endatu geutanjoe mandum lagèë njan. geutanjoe njang ka gandjé meunjo tatém seumah djawa, na muphôm njan ?
Udép geutanjoe, njawông geutanjoe hana juëm meusaboh aneuek manok meunjo hana tapeuseulamat peuë njang ka geupeudong lé éndatu. udép geutanjoe sibagoë bansa djadjahan gob, hana juëm meunjo tateupeuë arti – kemuliaan.
Dr . Teungku Hasan Muhammad di Tiro, M . S . MA . LLD . Ph . D
