Teungku Abu Bakar di Batedua Pakuk Neusambot Wakilah Gampong Tutui deungon Lafai Jroeh
BansigomDonya.my.id I Jantho – Katroh neuteuka limoeng(5) droe Wakilah Gampong Tutui, ubak teumpat neuseumeubeut Teungku Abu Bakar di balee di Duson Mee Raya nyang leubeh akrab meuseubot Batedua Gampong Pakuk, Kecamatan Kuta Cot Glie, Kabupaten Aceh Besar. Seulanyan malam Seulasa, 9/8/2022.
Wakilah dari Gampong Tutui nyang troeh nyan nakeuh diantara jih sidroe dari Tuhapeut nyakni Muliadi, sidroe dari Kaur Pemerintahan nyakni Boihaqi, sidroe dari Teungku Imum Gampong Tutui nyakni Teungku Mustafa, sidroe dari ketua Pemuda nyakni Efendi dan sidroe mantan Geuchik Gampong Tutui nyakni Amir.
Meunurot nyang neupeusampoe uleh Teungku Abu Bakar, keuneuteuka ureung nyan ubak bale neuseubeut nyoe dalam bhah keuinginan kawoem di Gampong Tutui nyang katreb meutunda meukaet deungon keugiatan pengajian nyang seubagoe Fardhu ‘Ain dianggap peurle utama dan rayeuk meuhajat bersama keu dipeuhudep teuma, deungoen permintaan wakilah Gampong Tutui teutap di ateuh pengasuhan Teungku Abu Bakar.
Bhah nyan langsong dipeusampoe uleh Wakilah Gampong Tutui keupada Teungku Abu Bakar, dan ka neusambot deungoen lafai Jroeh, meupeutrang uleh Teungku Abu Bakar.
Keuwate seumeubet di Meunasah Gampong Tutui meubekna halangan sapue, insyaAllah akan neumulai teuma nibak uroe ahad malam seulanyan poh sikureung lheuh neuseumeubeut aneuk miet cut cut di bale beut di Batedua Gampong Pakuk, nyang leubeh teupat uroe Seulanyan malam meurumpok gantoe ukeu nyoe, seubot Teungku Abu Bakar.
